ՀՀ վարչապետին ուղարկված սույն դիրքորոշումը ցույց է տալիս, որ եկամտային հարկի համահարթեցումը սասանում է անապահով և միջին խավերի հանրային համերաշխությունը, ստեղծում է նոր անհավասարություն և վտանգում տնտեսական աճը։
Գոյություն ունի հարկային վարչարարության լուրջ խնդիր։ Իսկ եկամտահարկի և շահութահարկի դրույքների փոփոխությունը առանց ստվերի և տնտեսական միտումների հետ ունեցած պատճառահետևանքային կապի խորը վերլուծության կարող է հանգեցնել էական կորուստների պետական բյուջեի համար։
Հայաստանը նախևառաջ կարիք ունի իմաստավորելու հեղափոխության բերած տնտեսական ազդեցությունը։ Իսկ եկամուտների բևեռացման՝ արդեն իսկ մերժված նախկին համակարգը հաղթահարելու համար տրամաբանական կլինի հօգուտ ստորին և միջին խավերի վերանայվող դրույքներով պրոգրեսիվ հարկային համակարգի կիրառումը։
Հարկատեսակների դրույքաչափերի փոփոխությունը պատճառահետևանքային կապի մեջ չէ ստվերային աշխատավարձերի վերացման կամ նվազեցման հետ: Ուստի նախատեսվող փոփոխությունները անհարկի են և ակնկալվող արդյունքը չեն տալու: Ավելին հավանական է, որ դրանք բացասական կազդեն բյուջեի հարկային եկամուտների ձևավորման վրա:
ԱՄՆ նախագահի կողմից թուրքական ալյումինի և պողպատի ներմուծման մաքսատուրքերի կրկնապատկման մասին վերջին հայտարարությունը ավելի սրեց արժութային ճգնաժամը Թուրքիայում։ Բայց թուրքական տնտեսության ճգնաժամը վաղուց ընթացքի մեջ է և անցած ընտրությունների գլխավոր թեմաներից մեկն էր։ Ի՞նչ է կատարվում Թուրքիայի տնտեսությունում։
Օտարերկրեայ ներդրումներու ապահովումն ու պաշտպանութիւնը «Թավշյա Հեղափոխության» ամէնաառանցքային խոստումներէն էին դեռ առաջին օրերէն։ Մի քանի շաբաթ առաջ՝ Պարտադիր Կենսաթոշակային Համակարգը, իսկ այս օրերուս՝ Լիդիանի կողմէ Ամուլսարի շահագործման յամառ փորձերը, առիթ կու տան ներդրումներու միւս՝ բացասական հնարաւոր ազդեցութիւններուն շուրջ խորհրդածելու։
Բաց տարածքի տեխնոլոգիայի հեղինակը Հարիսոն Օուենն է՝ լուսանկարիչ լրագրող, գրող։ Իր ողջ կյանքի ընթացքում նա ուսումնասիրել է սոցիալական եւ արտադրական համակարգերի ինքնակազմակերպման եւ փոխակերպման բարդ սկզբունքները, որոնք ի հայտ են գալիս եւ գործում նաեւ կրթական բաղադրիչ ենթադրող հասարակական համախմբումների ժամանակ։
2018թ. ապրիլ-մայիսյան հեղափոխական շարժումն ինքնին հագեցած էր բազիսային դեմոկրատիայի տարրերով` արագ մոբիլիզացվող զանգվածներ, ինքնակազմակերպվող բազմազան խմբեր, որոշումների մասնակցային կայացում։ Հեղափոխության ընդգրկուն հենարանն ամրապնդելու լավագույն լուծումը կլինի Նիկոլ Փաշինյանի քաղաքական ուժի ներսում քաղաքական երեք հաղորդակից թևերի` լիբերալ թևի, կենտրոնամետ թևի և կենտրոնից ձախ գտնվող թևի ներառումը։
Մեզ առաջ է մղել մերօրյա խուռն տնտեսական կյանքը հանրակողմանիորեն հասկանալու և դրա վերաբերյալ հայերենով գրականություն ունենալու ձգտումը․ այս ժողովածուն մեզ իսկ համար դարձավ փորձի կուտակման մի հրաշալի առիթ։
Կազմված պետք է լինել ժողովրդի մեջ, ինչպես բոլոր կուսակցությունները, բայց կտրված լինելով նրանից իրենց փոքրության պատճառով, նրանք դուրսն են մնում ժողովրդից և մի տարօրինակ դրություն ստեղծում իրենց համար. ուզում են ժողովրդին ծառայել, բայց ժողովուրդը չի ընդունում նրանց ծառայությունը: Եվ այսպես, իրենց փոքրությունը նրանք սկսում են բացատրել ժողովրդի տգիտությամբ և չհասությամբ: Շփոթում են պատճառը և հետևանքը. ոչ թե փոքր են, դրա համար էլ ժողովուրդը չի հետևում իրենց, այլ որովհետև ժողովուրդը չի հետևում իրենց, դրա համար էլ փոքր են:
