Ժողովածուն անդրադառնում է Հայաստանի տնտեսական քաղաքականության չորս կարևոր ուղղությունների՝ հարկային համակարգի (ան)արդարության խնդրին, պետություն-ներդրող խնդրահարույց հարաբերությունների իրավական կարգավորումներին, արհմիությունների գործունակության հետ կապված օրենսդրական հարցերին և համայնքների խոշորացման քաղաքական ու սոցիալ-տնտեսական հետևանքներին:
Գրքում ի մի հավաքված տեքստերն իրար կապող առանցքը կապիտալիզմի ճգնաժամային բնույթը և դրա առնչվածությունն է քաղաքական գաղափարախոսություններին։
Գերմանիայի Հյուսիսային Հռենոս-Վեստֆալիա երկրամասի նախկին ֆինանսների նախարար Նորբերտ Վալտեր-Բորյանսը ներկայացնում է «Սոցիալական արդարություն, հարկում և պայքար հարկերից խուսափելու դեմ. գերմանական փորձը» թեմայով զեկույցը։
Քաղաքական դիսկուրս հանդեսը ներկայացնում է«Հարկային համակարգ, արդարություն և տնտեսական զարգացում» համաժողովի զեկույցների տեսաձայնագրությունը։
Մեզ առաջ է մղել մերօրյա խուռն տնտեսական կյանքը հանրակողմանիորեն հասկանալու և դրա վերաբերյալ հայերենով գրականություն ունենալու ձգտումը․ այս ժողովածուն մեզ իսկ համար դարձավ փորձի կուտակման մի հրաշալի առիթ։
Վերջապես իր հանգրվանին հասավ ֆրանսիացի փիլիսոփա Ժակ Ռանսիերի «Անգետ ուսուցիչը» երկի թարգմանությունը՝ գիրքն արդեն հրատարակված է։ Այս գրքի հրատարակումը համայնքային ծրագիր էր, որն իրականություն դարձավ բազմաթիվ անհատների և խմբերի ներգրավվածության շնորհիվ։ Գրքի թարգմանիչն է Արմեն Վշտունին, խմբագիրը՝ Նազարեթ Կարոյանը։ Հրատարակմանն օժանդակել է նաև Քաղաքական դիսկուրսը։
Պրոֆեսոր Օտտո Լուխտերհանդտը ներկայացնում է Լեռնային Ղարաբաղի ժողովրդի ինքնորոշման հիմքերն ու իրավաքաղաքական հայեցակետերը։ Առաջին մասում նա անդրադառնում է հետևյալ թեմաներին․
1. Լեռնային Ղարաբաղի հայերի ինքնորոշման պահանջի բարոյաքաղաքական լեգիտիմությունը պատմական հեռանկարում
2. Ինքնորոշման իրավունքը խորհրդային իրավունքի տեսանկյունից
Զեկուցողները ներկայացնում են 2008թ․-ի ճգնաժամից հետո աշխարհում խորացող «Կոշտ խնայողության (austerity)» քաղաքականության հարցերը։ Ի՞նչ քաղաքական պրոյեկտ է այն իրենից ներկայացնում։ Ինգար Սոլթին անդրադառնում է այդ քաղաքական գիծը որպես անայլընտրանք հայեցակարգ արմատավորելու միտումներին և այդ նեոլիբերալ կուրսի ու աշխարհի տարբեր ծայրերում ծավալվող սոցիալական շարժումների միջև փոխադարձ կապի խնդիրներին։
